Hebrews 1
Nnelekai God mai baahi dana Dama
1I mua loo gei God ne helekai gi tadau maadua mmaadua mai baahi nia soukohp i nia holongo e logo, i nia hagadilinga ala . 2Gei i lodo nia laangi haga muliagina aanei, God ne helekai mai gi gidaadou mai baahi dana Dama. God ne hai di langi mo henuailala mai i dana Dama, gei God gu hilihili a mee e hai mee gi nia mee huogodoo i di hagaodi. 3Mee e maahina be di madamada o God, e hai gadoo be God. Mee e hagangalungalua di langi mo henuailala gi ana helekai mogobuna. I muli dono haga madammaa nia huaidu o nia daangada huogodoo, mee gu noho i di baahi gau donu o God, go di Mogobuna Muginua.Di aamua Tama a God
4Tama a God la ne hai gi mada aamua digau di langi, gadoo be dono ingoo dela e mada aamua i nadau ingoo. 5Idimaa, God la digi helekai gi tei ana gau di langi,“Goe go dagu Dama daane, dangi nei gei au gu hai Tamana ni oou.” a
Gei God digi helekai labelaa gi tei ana gau di langi boloo,
“Au ga hai Tamana ni mee, gei mee ga hai Tama daane ni aagu.” b
6I mua Di madagoaa God ne hagau mai dana Dama gi henuailala, mee gu helekai boloo,
“Digau di langi o God huogodoo e hai loo gi daumaha gi mee.” c
7Deenei di mee a God ne helekai ai i digau di langi boloo,
“God e hai ana gau di langi gi hai be nia madangi, ga hai ana gau hai hegau gi hai be nia ulaula o di ahi.” d
8Gei i di Tama, God gu helekai,
“Meenei God, doo lohongo king le e noho hua beelaa! Dagia au daangada gi di tonu. e 9Goe e aloho i nia mee ala e donu, ge e de hiihai gi nia mee hai gee. Dela hogi di mee a God ne hilihili goe, ga gowadu di tene aamua dela koia e damana i di tene dela ne wanga gi oo ehoo.”
10Mee gu helekai labelaa,
“Goe go Tagi, ne hai henuailala i taamada, oo lima ne hai nia haga honu nia langi i nua. f 11Nia mee huogodoo aanei ga hagalee, gei goe e noho hua belaa. Nia mee huogodoo ga hagalee, gadoo be nia gahu ala e ngudu. 12Goe ga wini nia maa be di gahu ulu laa daha, ga koodai be nia gahu uluulu, gei goe e noho hua be goe, e mouli ga hana hua beelaa.”
13God digi helekai gi tangada i ana gau di langi boloo,
“Noho i dogu baahi gau donu, ga dae loo gi dogu madagoaa ga dugu oo hagadaumee gi lala oo babaawae.” g
14Digau di langi la nia aha? Digaula la nia hagataalunga e hai hegau gi God, ge ne hagau mai belee hagamaamaa digau ala ga hai mee gi di mouli.
Copyright information for
KPG